Champions Trophy 2025: चॅम्पियन्स ट्रॉफी 2025 (Champions Trophy 2025 ) आतापासून एका आठवड्याने पाकिस्तानमध्ये सुरू होईल. या स्पर्धेत इंग्लंड हा विजेतेपदाच्या प्रबळ दावेदारांपैकी एक आहे.
मात्र त्याआधी आता इंग्लंडला एक मोठा धक्का बसला आहे. संघाचा स्टार अष्टपैलू खेळाडू जैकब बेथेल जखमी झाला आहे. आणि संपूर्ण Champions Trophy 2025 मधून बाहेर पडला आहे.
जेकब बेथेल हाडांच्या दुखापतीमुळे भारताविरुद्धच्या तिसऱ्या एकदिवसीय सामन्याला आणि त्यानंतर चॅम्पियन्स ट्रॉफीला मुकणार आहे. बेथेलने सप्टेंबरमध्ये इंग्लंडसाठी पदार्पण केले होते परंतु त्याने त्याच्या खेळाने अल्पावधीतच सर्वांना प्रभावित केले आहे.
नागपूरमध्ये भारताविरुद्ध खेळल्या गेलेल्या पहिल्या सामन्यातही त्याने चमकदार कामगिरी केली, जिथे त्याने कठीण परिस्थितीत अर्धशतक झळकावले.
बेथेल चार ते सहा आठवडे मैदानातून बाहेर होणार.
पहिल्या एकदिवशीय सामन्यानंतर बेथेलला डाव्या पायाच्या वरच्या भागात वेदना जाणवू लागल्या आणि त्याचे स्कॅन करण्यात आले. स्कॅनमध्ये संशयास्पद दुखापत असल्याचे दिसून आले, ज्यामुळे या तरुण खेळाडूला आता चार ते सहा आठवडे मैदानाबाहेर राहावे लागेल.
Jacob Bethell will miss the rest of England’s white-ball tour of India and the Champions Trophy in Pakistan later this month because of a hamstring injury ❌ pic.twitter.com/iht8zZPeEF
— Sky Sports Cricket (@SkyCricket) February 9, 2025
बेथेलच्या जागी टॉम बँटनला मिळू शकते संधी..
बेथेलला वगळल्यानंतर, त्याच्या जागी इंग्लंडच्या १५ सदस्यीय चॅम्पियन्स ट्रॉफी संघात अव्वल क्रमांकाचा फलंदाज टॉम बँटनला संधी मिळू शकते. बँटन विकेटकीपिंग देखील करतो. भारताविरुद्धच्या तिसऱ्या सामन्यासाठी बेथेलच्या जागी त्याला संघात समाविष्ट करण्यात आले आहे.
बेथेलबद्दल, इंग्लंडचा कर्णधार जोस बटलर म्हणाला की,
कटकमधील दुसऱ्या एकदिवसीय सामन्यात त्याच्या संघाचा चार विकेटने पराभव झाल्यानंतर तो चॅम्पियन्स ट्रॉफीतून बाहेर पडला आहे. “हे त्याच्यासाठी खरोखर निराशाजनक आहे.. दुखापतीमुळे तो या स्पर्धेतून बाहेर पडणार आहे हे लाजिरवाणे आहे. आता इंग्लंड Champions Trophy मध्ये कशी कामगिरी करतो, याकडे सर्वांचे लक्ष लागले आहे ..
हेही वाचा:
IND vs ENG 2nd ODI: अखेर रोहित शर्माचा धावांचा दुष्काळ संपला, तब्बल एवढ्या दिवसांनी ठोकले शतक..!