Champions Trophy, Jasprit Bumrah Update : जसप्रीत बूमराह दुखापतीमुळे CT मधून बाहेर, या गोलंदाजाला मिळाली संधी..

भारतीय वेगवान गोलंदाज जसप्रीत बुमराह ( Jasprit Bumrah) चॅम्पियन्स ट्रॉफीमधून बाहेर पडला आहे. तो या मेगा स्पर्धेत भारतीय संघाचे प्रतिनिधित्व करणार नाही. पाठीच्या दुखापतीमुळे बुमराह आता आगामी चॅम्पियन्स ट्रॉफीमध्ये सहभागी होऊ शकणार नाही. भारतासाठी हा सर्वात मोठा धक्का मानला जात आहे. त्याच्या जागी एका तरुण खेळाडूला संधी मिळाली आहे.

Champions Trophy, Jasprit Bumrah Update: जसप्रीत बूमराहच्या जागी टीम इंडियात कोणाला संधी ?

चॅम्पियन्स ट्रॉफीसाठी निवड समितीने बुमराहच्या जागी हर्षित राणाला भारतीय संघात समाविष्ट केले आहे. दुखापतीनंतर बुमराह इंग्लंडविरुद्ध खेळल्या जाणाऱ्या मालिकेतही भाग घेऊ शकला नाही. तथापि, तिसऱ्या सामन्यासाठी त्याला संघात समाविष्ट करण्यात आले. पण दुखापतीमुळे बुमराह तिसऱ्या सामन्यातूनही बाहेर पडला.

आता, या वेगवान गोलंदाजाला चॅम्पियन्स ट्रॉफीमधूनही वगळण्यात आले आहे. यशस्वी जयस्वाल, मोहम्मद सिराज आणि शिवम दुबे यांना राखीव खेळाडू म्हणून ठेवण्यात आले आहे. गरज पडल्यास हे खेळाडू चॅम्पियन्स ट्रॉफीसाठी दुबईला रवाना होतील.

सलामीवीर यशस्वी जयस्वालचीही चॅम्पियन्स ट्रॉफीसाठी संघात निवड झाली. पण त्याला टीम इंडियाच्या संघातूनही वगळण्यात आले आहे. त्याच्या जागी वरुण चक्रवर्तीचा संघात समावेश करण्यात आला आहे.

जसप्रीत बुमराहला वगळल्यानंतर भारतीय वेगवान गोलंदाजी विभाग कमकुवत झाला आहे. त्याच्या अनुपस्थितीत भारतीय गोलंदाजी विभागाला त्रास होऊ शकतो. आता भारताची धुरा मोहम्मद शमी, हर्षित राणा आणि अर्शदीप सिंग सारख्या खेळाडूंवर आहे. शमी हा अर्शदीप आणि हर्षितपेक्षा ज्येष्ठ आहे. त्याने २०२३ च्या आयसीसी एकदिवसीय विश्वचषकातही चमकदार कामगिरी केली आणि स्पर्धेत सर्वाधिक विकेट घेणारा गोलंदाज बनला. या बाबतीत, भारतीय जलद गोलंदाजी विभागाची जबाबदारी प्रामुख्याने शमीच्या खांद्यावर असणार आहे.

जसप्रीत बूमराहची एकदिवशीय कारकीर्द (Jasprit Bumrah ODI carrer)

भारतासाठी जसप्रीत बुमराहने आतापर्यंत ४५ कसोटी सामन्यांमध्ये २०५ विकेट्स घेतल्या आहेत. याशिवाय त्याने ८९ सामन्यांमध्ये १४९ विकेट्स घेतल्या आहेत. ७० टी-२० आंतरराष्ट्रीय सामन्यांचा अनुभव असलेल्या बुमराहने ८९ फलंदाजांच्या विकेट घेतल्या आहेत.

बुमराहने अलीकडेच बॉर्डर गावस्कर ट्रॉफीमध्ये भारतासाठी शानदार कामगिरी केली. त्याने ५ सामन्यात ३२ विकेट्स घेतल्या.

आयसीसी चॅम्पियन्स ट्रॉफी २०२५ साठी नवीनतम भारतीय संघ (Team india squad for ICC Champions Trophy 2025)

रोहित शर्मा (कर्णधार), शुभमन गिल (उपकर्णधार), विराट कोहली, श्रेयस अय्यर, केएल राहुल (यष्टीरक्षक), ऋषभ पंत (यष्टीरक्षक), हार्दिक पंड्या, अक्षर पटेल, वॉशिंग्टन सुंदर, कुलदीप यादव, हर्षित राणा, मोहम्मद शमी, अर्शदीप सिंग, रवींद्र जडेजा, वरुण चक्रवर्ती.

राखीव खेळाडू – यशस्वी जयस्वाल, मोहम्मद सिराज आणि शिवम दुबे.

हेही वाचा:

IND vs ENG: रोहित शर्मा कडे इतिहास रचण्याची संधी, तिसऱ्या एकदिवशीय सामन्यत करू शकतो अशी ऐतिहासिक कामगिरी..!

IND vs ENG 3rd ODI: तिसऱ्या एकदिवशीय सामन्याआधी जय शहाची मोठी घोषणा, सामन्याच्या ठीक अर्धा तास आधी होणार विशेष प्रोग्राम..!